HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Այս գիշեր Ադրբեջանը կրակել է Հայաստանի սահմանի ամբողջ երկայնքով

Այս գիշեր Ադրբեջանը Հայաստանի Հանրապետության սահմանի ամբողջ երկայնքով կրակոցներ է արձակել: Հրաձգային զինատեսակներ են կիրառվել, կրակոցների ընդհանուր թիվը 120 է: Այս մասին Իջևանում հրավիրված ասուլիսին ասաց ՊՆ ներկայացուցիչ, Ճգնաժամային կառավարման կենտրոնի ղեկավար Արծրուն Հովհաննիսյանը:

Վերջինիս խոսքով` հակառակորդը կրակոցներ է արձակել ոչ միայն մարտական գործողությունների սահմանային ուղղությամբ, այլ նաև Տավուշի ողջ սահմանում, այդ թվում` Նոյեմբերյանի ուղղությամբ, ինչպես նաև Գեղարքունիքի մարզի ու նախիջևանյան հատվածի ուղղությամբ:

Ամփոփելով կրակոցների թիվը՝ Հովհաննիսյանն ասաց, որ լարվածությունը նվազել է:

«Այս պահին ըստ էության հանգիստ է, կրաոցներ չկան»,- ասաց նա:

Խոսելով վիրավորների մասին՝ Հովհաննիսյանն ասաց, որ մեկ զինծառայողի վիճակը շարունակում է մնալ ծանր:

Արցախում ևս գիշերը կրակոցներ են հնչել, սակայն, ըստ Հովհաննիսյանի, լարվածություն ընդհանրական իմաստով չկա:

Հովհաննիսյանի խոսքով` Ադրբեջանը նախորդ գիշերը տեղեկատվական տարբեր կեղծ լուրեր է փորձել տարածել հայաստանցի բաժանորդների շրջանում` հեռախոսներին լատինատառ կեղծ հաղորդագրություններ ուղարկելով սահմանային իրավիճակի մասին: Հովհաննիսյանն ասաց, որ բջջային օպերատորները իրավիճակը շտկում են:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter