Մոսկվայում հայկական ծիրանի վաճառքի համար առաջարկվում է 2 այլընտրանքային լուծում
Էկոնոմիկայի նախարարությունը տեղեկացնում է, որ Մոսկվայում հայկական ծիրանի վաճառքի հարցի հետ կապված, ՌԴ-ում ՀՀ դեսպանության հետ համատեղ աշխատանքի արդյունքում, տրվել է երկու այլընտրանքային լուծում. հայկական գյուղմթերքով բեռնված բեռնատարներին առաջարկվում է իրենց ապրանքը տեղափոխել հետևյալ երկու իրացման կետ.
«Шёлковый Путь» առևտրի կենտրոն, МКАД, 32-й километр: Այս կետը գտնվում է «Ֆուդ սիթի» կենտրոնից մոտ 10 կմ հեռավորության վրա:
«Бухта» մեծածախ առևտրի կենտրոն, Дмитровское ш., 165 корпус 1, +79266660099, Յուրի, տնօրեն: Այս կետն առաջարկվում է «Տաշիր» ԸԽ-ի կողմից, որտեղ մոսկվայաբնակ գործարար Սամվել Կարապետյանի որոշմամբ անվճար հայ արտահանողները կարող են կայանել:
«Այս պահի դրությամբ «Ֆուդ սիթի» կենտրոնը չի կարողանում չեզոքացնել հայ արտահանողների շուկայահանման խնդիրները, ուստի, մեր հայրենակիցներին առաջարկում ենք օգտվել վերոնշյալ տարբերակներից»,- նշված է հաղորդագրության. մեջ։
Լուսանկարը՝ Նարեկ Ալեքսանյանի
Մեկնաբանել