Արցախում հաստատվել է կորոնավիրուսային հիվանդության 11 նոր դեպք՝ 1-ական Մարտակերտում և Այգեստանում, 9-ը՝ Ստեփանակերտում: Բոլոր նոր դեպքերը հայտնաբերվել են նախկինում հաստատված օջախների կոնտակտավորների և ընտանիքների անդամների մոտ: Այս մասին հաղորդում է Արցախի Հանրապետության առողջապահության նախարարությունը:

Ապաքինվել է կորոնավիրուսով հիվանդ 8 քաղաքացի:

Առայսօր, COVID-19-ով ախտորոշվել է 228 մարդ, որից 162-ը հաղթահարել է հիվանդությունը: Փաստացի բուժում է ստանում 65, ընդհանուր մեկուսացված է 121 քաղաքացի:

Թեստավորումների նպատակով 210 նմուշառում է իրականացվել: Ցայսօր իրականացվել է 5 201 փորձանմուշի հետազոտություն: