Սևանի ոստիկանության բաժինը շարունակում է վարել հետաքննություն Սևանի
թերակղզու հատվածում բնապահպանության նախարարի հրահանգով ծառերի զանգվածային հատման կապակցությամբ։

Բնապահպանության նախարարը մայիսի 11-ի առավոտյան անձամբ գնացել է ծառահատվող տարածք և բացատրություն տվել ոստիկանության աշխատակիցներին, ովքեր վարում են հետաքննությունը։ Նախարարը հաստատել է, որ ծառահատումը կատարվում է իր հրամանով և տեղում հրահանգել է սկսել հանրային լողափի շինարարական աշխատանքները։

«Իրավական պետություն» քաղաքացիական նախաձեռնության տեղեկացմամբ' պարզ չէ, թե բնաապահպանության նախարարությունն արդյոք ունի՞ շինարարական աշխատանքների համար օրենքով սահմանված և փորձաքննություն անցած նախագծային փաստաթղթեր և շինարարական թույլտվություն: