Չինաստանում գրանցվել է վերջին 9,5 տարիների ամենախոշոր արդյունաբերական աճը
Չինաստանում գրանցվել է վերջին 9,5 տարիների ամենախոշոր արդյունաբերական աճը։ Այդ մասին գրում է «Deutsche Welle»-ն։ Օգոստոսի 3-ին չինական «Caijing» տնտեսական ամսագիրն ու բրիտանական «IHS Markit» ընկերությունը հայտարարել են, որ հուլիսին Չինաստանում արդյունաբերության ոլորտում գործարար ակտիվության ինդեքսը հասել է 52,8 կետի այն դեպքում, երբ այս տարվա հունիսի ցուցանիշը կազմում էր 51,3 կետ։
Այսպիսով, երեք ամիս շարունակ չինական արդյունաբերության ոլորտում գրանցվում է աճ, իսկ հուլիս ամսին գրանցված դրական դինամիկան ամենաբարձրն է 2011 թվականի հունվար ամսից ի վեր։
«Caixin Insight Group»-ի առաջատար տնտեսագետ Վան Չժեն արդյունաբերության ոլորտում գործարար ակտիվության ինդեքսի աճը կապում է Չինաստանում արդյունաբերական արտադրության նկատմամբ պահանջարկի մեծացման հետ՝ նշելով, որ աշխատաշուկայում, այդուհանդերձ, պահպանվում են առկա խնդիրները։ Բացի այդ, պահպանվում է նաև կորոնավիրուսի պատճառով չինական արտադրության նկատմամբ արտասահմանյան ցածր պահանջարկը։
Լուսանկարը՝ «Reuters» գործակալության
Մեկնաբանել