Ամուլսարում քաղաքացիներին բերման ենթարկելու վերաբերյալ ահազանգերից հետո Մարդու իրավունքների պաշտպան (ՄԻՊ) Արման Թաթոյանի հանձնարարությամբ արագ արձագանքման խումբ է գործուղվել Ջերմուկ քաղաք: Այս մասին հայտնում է ՄԻՊ աշխատակազմը։

Այցի ընթացքում Պաշտպանի ներկայացուցիչներն առանձնազրույցներ կունենան բերման ենթարկված անձանց հետ, կծանոթանան նրանց իրավունքների ապահովման վիճակին, բերման ենթարկելու հիմքերին: