Վարչապետ Նիկոլ Փաշինյանի այսօրվա որոշմամբ՝ Վաղարշակ Հարությունյանը նշանակվել է վարչապետի գլխավոր խորհրդական։ Այս մասին տեղեկացնում է վարչապետի աշխատակազմի տեղեկատվության և հասարակայնության հետ կապերի բաժինը։

«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 10-րդ մասով.
Վաղարշակ Հարությունյանին նշանակել վարչապետի գլխավոր խորհրդական»,- ասված է որոշման մեջ։

Հիշեցնենք՝ Վաղարշակ Հարությունյանը 1999-2000 թվականներին եղել է ՀՀ պաշտպանության նախարար:

Լուսանկարը՝ civilnet.am-ի