HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Նարեկ Ալեքսանյան

Հայաստանի քարանձավները․ «Սիմոնի զաղա» (ֆոտոպատմություն)

«Հետքը» Arm Speleo Team-ի հետ այցելել է Հայաստանի հայտնի և ոչ այնքան հայտնի քարանձավներ։

Քարանձավային արշավների մասին ֆոտոպատմությունները հերթով կներկայացնենք։

«Սիմոնի Զաղա» անվանմամբ քարանձավը քչերին է հայտնի․ ունի 200մ երկարություն, գտնվում է Վայոց Ձորի մարզի Գնիշիկ և Մոզրով բնակավայրերի մոտակայքում։ Հայտնաբերվել է ԽՍՀՄ տարիներին և դուրս մնացել ուշադրությունից։ 2013-14 թվականներին վերաուսումնասիրվել է Armenian Extreme Club-ի կողմից։

cave_01.jpg (1.96 MB)

cave_02.jpg (2.37 MB)

cave_03.jpg (1.38 MB)

cave_04.jpg (2.39 MB)

Քարանձավի մուտքը

cave_05.jpg (1.78 MB)

«Սիմոնի Զաղա» քարանձավում կան բազմաթիվ գեղեցիկ գոյացություններ՝ բյուրեղներ, ստալակտիտներ, սյուներ, ինչպես նաև՝ ջուր, ինչը վկայում է, որ այն դեռ գործում է։

cave_06.jpg (2.54 MB)

cave_07.jpg (1.52 MB)

Քարանձավները ստորգետնյա դատարկություններ են, որոնց առաջացման պատճառները և ձևերը տարբեր են։

cave_08.jpg (2.30 MB)

cave_09.jpg (1.76 MB)

Հայաստանում հանիպում են աշխարհում հանդիպող գրեթե բոլոր տեսակի քարանձավները, օր․՝ կարստային, հրաբխային, մարդածին և այլն։

cave_10.jpg (1.68 MB)

cave_11.jpg (2.01 MB)

cave_12.jpg (1.89 MB)

2019 թ․-ին հիմնադրված Arm Speleo Team քարանձավախուզական թիմը այցելելում և հետազոտում է տարածաշրջանի հայտնի և անհայտ քարանձավները։

cave_13.jpg (1.62 MB)

cave_16.jpg (2.05 MB)

«Քարանձավախուզությամբ զբաղվելու պատճառները շատ են, բայց գլխավոր պատճառն այն է, որ քարանձավները հանդիսանում են միակ վայրերը երկրագնդի վրա, որոնք դեռ լիովին բացահայտված չեն, և այստեղ կարելի է տեսնել այն, ինչ միշտ թաքնված է եղել բոլորի աչքերից»,- նշում է թիմի հիմնադիր անդամներից Տիգրան Արմենյանը։

cave_14.jpg (1.34 MB)

cave_15.jpg (1.75 MB)

cave_17.jpg (1.96 MB)

cave_18.jpg (1.56 MB)

cave_19.jpg (1.70 MB)

cave_20.jpg (1.64 MB)

 

cave_21.jpg (2.27 MB)

Անվտանգության կանոններ

Քարանձավում հանդիպում են բարդ արահետներ, նեղ սողանցքներ, որոնք կարիք ունեն հաղթահարման, ինչպես նաև հանդիպում են բազմատեսակ բյուրեղներ և գոյացություններ, որոնց ոչ մի դեպքում չի կարելի դիպչել, առավել ևս պոկել և դուրս բերել, քանի որ կարճ ժամանակում այլ միջավայրում դրանք ուղղակի խամրում են։

Այդ պատճառով քարանձավ մուտք գործելիս պետք է կրել կտորից ձեռնոցներ, քանի որ ձեռքերի յուղի շերտը կարող է վնասել բյուրեղները։ Պարտադիր պայմաններից են նաև սաղավարտն ու լապտերը։

Արգելվում է այցելել քարանձավ միայնակ, ինչպես նաև արգելվում է մասնակցել կլաուստրաֆոբիա, ասթմա, էպիլեպսիա և փակ տարածությունում այլ՝ կյանքի հանդեպ վտանգ առաջացնող առողջական խնդիրներ ունեցող անձանց։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter