
Հանրային ծառայությունները կարգավորող հանձնաժողովը մոնիթորինգ կիրականացնի «Վեոլիա Ջրում»
«Վեոլիա Ջուր» ՓԲԸ-ի՝ 2020 թվականի օգոստոսի 7-ին ներկայացրած խմելու ջրի մատակարարման և ջրահեռացման (կեղտաջրերի մաքրման) ծառայությունների մատուցման սակագների վերանայման հայտի ուսումնասիրության շրջանակում Հանրային ծառայությունները կարգավորող հանձնաժողովը (ՀԾԿՀ) նախաձեռնել է ընկերության կողմից գրանցված մանրածախ ջրամատակարարման փաստացի ծավալների մոնիթորինգ՝ 2020 թվականի սեպտեմբերի 1-ից մինչև նոյեմբերի 1-ն ընկած ժամանակահատվածում: Այս մասին հաղորդում է ՀԾԿՀ մամուլի ծառայությունը:
Խմելու ջրի ոլորտում ապօրինի միացումների կամ ապօրինի ջրօգտագործման դեպքերի վերաբերյալ տեղեկատվության տիրապետելու դեպքում քաղաքացիները կարող են դրանք տրամադրել հանձնաժողովին՝ զանգահարելով (010) 584 529 հանձնաժողովի թեժ գծին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել