Էդգար Շաթիրյանը Կառավարությանը նախնական համաձայնություն է տվել` ՍԴ դատավորի թափուր պաշտոնում առաջադրվելու համար
Կոռուպցիայի կանխարգելման հանձնաժողովի (ԿԿՀ) նախկին անդամ Էդգար Շաթիրյանը նախնական քննարկում է ունեցել Կառավարության հետ` Սահմանադրական դատարանի դատավորի թափուր պաշտոնում առաջադրվելու համար:
Այս մասին մեզ հետ զրույցում ասաց Շաթիրյանը` ընդգծելով, որ իր նախնական համաձայնությունը տվել է, սակայն դեռ պետք է հանդիպում ունենա քաղաքական մեծամասնության պատգամավորների հետ: Շաթիրյանի խոսքով` թեկնածությունն առաջադրում է Կառավարությունը, սակայն ընտրողը խորհրդարանն է: Մինչև պաշտոնական առաջադրումը հանդիպում պետք է լինի իշխող խմբակցության հետ` հարցուպատասխանի ձևաչափով:
«Նախնական զրույց է տեղի ունեցել հարցի հետ կապված և տրվել է նախնական համաձայնություն»,- ասաց նա:
Հիշեցնենք, որ Շաթիրյանը ԿԿՀ-ի անդամի պաշտոնից հրաժարական էր ներկայացրել 2019 թվականի նոյեմբերի 26-ին ընտրվելուց մի քանի օր անց: Իր հրաժարականը պաշտոնյան բացատրել հանձնաժողովի առնվազն 3 անդամի կողմից իրեն ուղղված հանձնաժողովի երեք անդամի բացարձակ անվստահության պայմաններում:
Շաթիրյանը պնդեց` հրաժարականի պատճառը կառույցի ղեկավար դառնալու իր ցանկությունը չէր, ինչպես շահարկում էին շատերը:
Հիշեցնենք, որ կառավարության նախորդ թեկնածուն` Վահրամ Ավետիսյանը ինքնաբացարկի դիմում էր ներկայացրել` թերահավատություն հայտնելով անհրաժեշտ 80 քվե ստանալու առնչությամբ:
Առաջադրման իրավունք ունեցող մյուս սուբյեկտները` դատավորների ընդհանուր ժողովն ու Հանրապետության նախագահն իրենց թեկնածուների անունները ուղարկել են ԱԺ նախագահին, ըստ այդմ թեկնածուներն են Երվանդ Խունդկարյանը և Արթուր Վաղարշյանը:
Լուսանկարում` Էդգար Շաթիրյանը:
Մեկնաբանել