Ինչպես տեղեկացրել է ՀՀ գլխավոր դատախազության կոռուպցիայի դեմ պայքարի բաժնի պետ Մ. Մինասյանը, «Հետքի» հրապարակած «Հայաստանին օտարերկրացիներ պետք չեն» հոդվածի հիման վրա 2006թ.-ի դեկտեմբերի 7-ին ՀՀ գլխավոր դատախազության կոռուպցիայի դեմ պայքարի բաժնում ՀՀ քրեական օրենսգրքի 311 հոդվածի ( կաշառակերություն ) 3-րդ մասի 3-րդ եւ 4-րդ կետերով, 313 հոդվածի 2-րդ մասի 1-ին կետով հարուցվել է քրեական գործ եւ կատարվում է նախաքննություն:

Հիշեցնենք, որ հոդվածում օտարերկրյա 4 քաղաքացիներ վկայություն էին տալիս, որ մուտքի թույլտվությունը երկարացնելու համար Ոստիկանության անձնագրերի եւ վիզաների վարչության պետի տեղակալ Սամվել Աղաջանյանը յուրաքանչյուրից պահանջել է 1500 դոլար: