HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Ամփոփվել են արտակարգ դրության ընթացքում տեսչական մարմինների կողմից կատարված աշխատանքները

Վարչապետի աշխատակազմի տեսչական մարմինների աշխատանքների համակարգման գրասենյակի ղեկավար Արթուր Ասոյանի գլխավորությամբ,  այսօր տեղի է ունեցել աշխատանքային քննարկում, որին մասնակցել են կառավարության ենթակա տեսչական մարմինների ղեկավարները, ինչպես նաև պաշտոնատար այլ անձինք:

Ինչպես հայտնում է Զարգացման ծրագրերի վարչությունը, հանդիպման  ժամանակ ամփոփվել են արտակարգ դրության ընթացքում տեսչական մարմինների կողմից կատարված աշխատանքները:  Քննարկվել են նաև կառավարության որոշմամբ մինչեւ հունվարի 11-ը հայտարարված կարանտինի ընթացքում սահմանված միջոցառումների ու սահմանափակումների նկատմամբ իրականացվելիք վերահսկողության կազմակերպչական աշխատանքները:

«Արտակարգ իրավիճակներում բնակչության պաշտպանության մասին» օրենքի համաձայն՝ Սննդամթերքի անվտանգության ու Առողջապահական և աշխատանքի տեսչական մարմինները սահմանված վերահսկողությունն իրականացնելու են ստուգայցերի միջոցով, որի արդյունքում կիրառվելու են նաև վարչական պատասխանատվության միջոցներ: Մյուս տեսչական մարմինները Վարչապետի աշխատակազմի տեսչական մարմինների աշխատանքների համակարգման գրասենյակի ղեկավարի հրամանով փոխօգնության շրջանակներում ներգրավվելու են  ոլորտային ստուգայցերի իրականացման աշխատանքներում:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter