ԱՄՆ արևմտյան ափին մոլեգնող հրդեհների հետևանքով զոհվել է 26 մարդ
ԱՄՆ Կալիֆոռնիա, Օրեգոն և Վաշինգտոն նահանգներում մոլեգնող հրդեհների հետևանքով զոհվել է առնվազն 26 մարդ։ Այդ մասին սեպտեմբերի 11-ի երեկոյան հայտնել է «CNN» հեռուստանկերությունը։ Ընդ որում, իշխանությունները մտահոգ են, որ զոհերի իրական թիվը կարող է էլ ավելի մեծ լինել։
Օրեգոնում տասնյակ հազարավոր մարդիկ ստիպված լքել են իրենց տները, մի քանի տասնյակ մարդ էլ համարվում է անհետ կորած։ «Reuters» գործակալության տվյալներով՝ մոտ կես միլիոն մարդ ստացել ծանուցում՝ հնարավոր տարհանմանը պատրաստ լինելու համար։ Ինչպես հայտարարել է Օրեգոն նահանգի նահանգապետ Քեյթ Բրաունը, հրդեհն ընդգրկում է ավելի քան 4000 քառակուսի կիլոմետր տարածք։ Օրեգոնի անտառային տնտեսության հրշեջ ծառայության վարչության ղեկավար Դուգ Գրեյֆը հայտարարել է, որ հրշեջները ստիպված պայքարում են առնվազն 16 խոշոր հրդեհների դեմ։
Համաձայն Օդի որակի ինդեքսի (AQI)՝ սեպտեմբերի 11-ին Կալիֆոռնիա, Օրեգոն և Վաշինգտոն նահանգներում այդ ցուցանիշը եղել է ամենավատը ողջ աշխարհում։
Wildfires are raging in California and Oregon. The Atlantic has seen a record number of tropical storms and Phoenix keeps breaking heat records. But scientists say it will get worse. In 20 years, they say we'll look back and think 2020 wasn't so bad. https://t.co/NJCm3O8dZd
— The Associated Press (@AP) September 12, 2020
Ամերիկյան արբանյակների լուսանկարները, որոնք հրապարակվել են Օդագնացության և տիեզերական տարածության հետազոտությունների ազգային գործակալության (ՆԱՍԱ) կողմից, վկայում են այն մասին, որ սեպտեմբերի 8-ին հրդեհի ծուխը պատել է Միացյալ Նահանգների գրեթե ողջ արևմտյան ափը։ Որոշ հատվածներում մակերևույթին ջերմաստիճանը գերազանցում է Ցելսիուսի 191 աստիճանը։
Լուսանկարը՝ «NBC»-ի
Մեկնաբանել