Տեսանյութեր
Լուսանկարներ
«Այդ հարցը օրակարգային է». Մհեր Գրիգորյանը` կանոնավոր ուղևորափոխադրումների մասին
Փոխվարչապետ Մհեր Գրիգորյանը Ազգային Ժողով-Կառավարություն հարցուպատասխանին անդրադարձավ կանոնավոր ուղևորափոխադրումների վերականգնման հարցին:
«Խնդիրը իրոք բարդ է, և միայն Հայաստանին չի վերաբերում: ԱՊՀ տարածքում կանոնավոր փոխադրումներ չկան, կա միայն ցամաքային մի ուղի` Բելառուս-Ռուսաստան, բայց դա այլ կարգավորման տիրույթում է»,- ասաց փոխվարչապետը:
Մհեր Գրիգորյանի խոսքով` Հայաստանի կառավարությունը նպատակահարմար է համարել որպես խնդրի կարգավորման միասնական լուծում դիտարկել ԵԱՏՄ հարթակը, որի լիազորությունների շրջանակից դուրս է առողջապահական ոլորտը, սակայն այնուամենայնիվ միասնական կանոն կսահմանվի ԵՍՏՄ-ում:
«Այդ հարցը օրակարգային է, կքննարկվի նաև վաղը: Կարծում եմ վերջնական որոշում կունենանք հոկտեմբերի 8-9-ին»,-ասաց նա:
Մհեր Գրիգորյանը նաև հավելեց, որ ԵԱՏՄ անդամ երկների մոտ կա նախատրամադրվածություն խնդիրը կարգավորելու և սահմանափակումները մաքսիմալ թուլացնելու համար: ԵԱՏՄ-ում նաև հավելվածի նախագծում է իրականացվում, կլինի այնպես, որ թեստերի փոխճանաչման որոշակի գործընթաց լինի:
Մեկնաբանել