Արցախի Հանրապետության առողջապահության նախարարության փոխանցած տեղեկատվության համաձայն, hանրապետությունում հաստատվել է նոր կորոնավիրուսային վարակի (COVID-19) 7 նոր դեպք: Բոլոր վարակակիրները Ստեփանակերտ քաղաքից են՝ 6-ը նախկինում հաստատված օջախների շփման շրջանակից են և գտնվում էին մեկուսացման մեջ:

Մյուս քաղաքացին վարակով է ախտոորոշվել բուժհաստատություն դիմելիության ժամանակ իրականացված հետազոտության հետեւանքով: Վարակի օջախը հայտնաբերելու, ինչպես նաև հիվանդների շփման շրջանակը պարզելու ուղղությամբ կատարվում են համապատասխան աշխատանքներ:

Առողջացել է 2 քաղաքացի: Առ այսօր, 359 մարդ COVID-19-ով է ախտորոշվել, որից 313-ը հաղթահարել է հիվանդությունը: Փաստացի բուժում է ստանում 44, ընդհանուր մեկուսացված է 80 քաղաքացի: Թեստավորումների նպատակով 93 նմուշառում է իրականացվել: Առ այսօր կատարվել է 13 419 փորձանմուշի հետազոտություն: