Երեկ Երեւանի Մալաթիա-Սեբաստիա վարչական շրջանի Առնո Բաբաջանյան փողոցում՝ ավիատորների շենքերի հարեւանությամբ, բացվել է ավիացիայի աշխատողներին, այդ թվում՝ զոհված ավիատորներին նվիրված հուշաղբյուր:

Բաբաջանյան փողոցի այս շենքերում ապրում են ավիատորների ընտանիքները, որոնք նախկինում բնակվում էին «Զվարթնոց» օդանավակայանի հարեւանությամբ գտնվող բազմաբնակարան երկու բարձրահարկերում: Այդ շենքերը քանդվեցին օդանավակայանի վերակառուցման շրջանակներում: 

Հուշաղբյուրի վրա «Զվարթնոց» օդանավակայանի հին համալիրն է, որը քանդելու ծրագրին դեմ են արտահայտվում հատկապես ավիացիային առնչվող մարդիկ: Տեղադրված է նաեւ արծվի քանդակ, որը խորհրդանշում է թռիչքը, այդ թվում՝ նրանց, ովքեր այդպես էլ չեն վերադարձել: