Մատենադարանի հետնամասում բռնկված հրդեհի հանգամանքները պարզելու համար հետաքննություն է ընթանում
Սեպտեմբերի 19-ի երեկոյան Երևանի Սարալանջի խճուղում՝ Մատենադարանի հետնամասում, բռնկված հրդեհի հանգամանքները պարզելու համար Արտակարգ իրավիճակների նախարարությունում (ԱԻՆ ) հետաքննություն է ընթանում։
Այս մասին «Հետք»-ին հայտնեց ԱԻՆ նախարարի մամուլի քարտուղար Աննա Բաղդասարյանը։
Նշենք, որ Մատենադարանի հետնամասում հրդեհը բռնկվել էր տարբեր օջախներով, այրվել է շուրջ 2.5 հա տարածք՝ խոտածածկույթ, թփուտներ և կոճղեր:
Սոցիալական ցանցերում մի շարք օգտատերեր, կցելով հրդեհի լուսանկարները, նշում էին, որ հրդեհի պատճառը «Evocabank»-ի միջոցառումն էր․ բանկը նշում էր իր 3 և բանկի հիմնադրման 30 ամյակը։ Միջոցառման ավարտին նաև նախատեսված էր հրավառություն։
Աննա Բաղդասարյանի փոխանցմամբ՝ հետաքննության ընթացքում ուսումնասիրվում են նաև մամուլում շրջանառված մի շարք վարկածներ։
Մեկնաբանել