Հայաստանի Անկախության օրվա կապակցությամբ սեպտեմբերի 21-ի երեկոյան, ժամը 22:00-ից 22:30 Նիագարա ջրվեժը լուսավորվել էր Հայաստանի դրոշի գույներով։ Չնայած համավարակով պայմանավորված սահմանափակումներին՝ բազմաթիվ հայեր հավաքվել էին՝ Կանադայի կողմից դիտելու ջրվեժը։ Եկել էին թե՛ Մոնրեալից, թե՛ Տորոնտոյից, թե՛ Օտտավայից և թե՛ Կանադայի այլ քաղաքներից՝ Նիագարայի՝ եռագույնով լուսավորումը դիտելու և ՀՀ անկախության 29-րդ ամյակը տոնելու։

Նախաձեռնությունն իրականացվել է Կանադայում ՀՀ դեսպանության և Նիագարա ջրվեժի լուսավորման խորհրդի համագործակցությամբ։

Լուսանկարները՝ Մարիամ Մուղդուսյանի, Իսկուհի Կիրակոսյանի