Հայ գործարարի ֆիննական ներդրումների վերաբերյալ կասկածները փարատվել են
Դեռևս 2016 թվականի դեկտեմբերին անդրադարձել էինք հայ գործարար, այն ժամանակ Ղրիմում ՀՀ պատվավոր հյուպատոս Արտակ Թովմասյանին պատկանող ընկերության ֆիննական ներդրումներին: Արտակ Թովմասյանը պարզաբանումներ է ուղարկել՝ հոդվածում նշված որոշ փաստերի և իրադարձությունների շուրջ տեղի ունեցած զարգացումների վերաբերյալ։ Այն ներկայացնում ենք ամբողջությամբ․
«Հոդվածում ընկերության ներդրումների օրինականությունը կասկածի տակ էր դրվել՝ կապված ռուսական «Առաջին հանրապետական Բանկի» լիցենզիան դադարեցնելու և դրա սեփականատերերի նկատմամբ քրեական հետապնդում իրականացնելու հետ: Ըստ պաշտոնական մեղադրանքի՝ «Առաջին հանրապետական Բանկի» սեփականատերն իր վերահսկողության տակ գտնվող կառույցների միջոցով յուրացրել էին բանկի ակտիվները: Հոդվածի հրապարակման պահին քրեական գործի քննությունը դեռ ավարտված չէր և հետաքննող լրագրողները չէին բացառել, որ ֆիննական փոքր քաղաքում հայ-ռուսական ներդրումը կարող էր կապված լինել ռուսական բանկից յուրացված փողերի հետ:
«Առաջին հանրապետական Բանկի» սեփականատիրոջն առնչվող քրեական գործի քննությունը, ներառյալ՝ դրանով կայացված դատավճռի բողոքարկման գործընթացներն ավարտվել են միայն 2020 թվականին: Պարզվել է, որ մի քանի տարի տևած քննության ընթացքում ստուգվել են բանկային միջոցների յուրացմանը մի շարք ավանդատուների, այդ թվում՝ Արտակ Թովմասյանին պատկանող «Թրիփվուդ Ինվեսթմենթս Լիմիթիդ» ընկերության հնարավոր մասնակցությունը: Քրեական գործի քննությամբ և դրա արդյունքներն ամրագրող դատական ակտերով հաստատվել են, որ «Թրիփվուդ Ինվեսթմենթս Լիմիթիդ» ընկերությունը, դրա պաշտոնատար անձինք կամ ընկերության հետ փոխկապակցված այլ անձինք բանկի սեփականատիրոջը մեղսագրվող արարքների հետ որևէ առնչություն չունեն։ Արձանագրվել է նաև, որ բանկի և ընկերության հարաբերություններն իրավաչափ են եղել, որի ուժով ընկերությունը հայտնվել է բանկի լուծարային կառավարչի կողմից հաստատված պարտատերերի ցանկում»։
Մեկնաբանել