Արցախում կողմերը պետք է անհապաղ դադարեցնեն մարտական գործողությունները և վերադառնան բանակցությունների։ Այդ մասին սեպտեմբերի 27-ին «Twitter»-ի իր միկրոբլոգում գրել է Եվրոպական խորհրդի ղեկավար Շարլ Միշելը։

Reports of hostilities from the Nagorno-Karabakh conflict zone are of most serious concern.

Military action must stop, as a matter of urgency, to prevent a further escalation.

An immediate return to negotiations, without preconditions, is the only way forward.

— Charles Michel (@eucopresident) September 27, 2020

«Ռազմական գործողությունները պետք է անմիջապես դադարեցվեն, որպեսզի կանխարգելվի հետագա սրումը։ Դեպի առաջ միակ ճանապարհն առանց նախապայմանների բանակցություններին արագ վերադարձն է»,- նշել է նա։

Հիշեցնենք, որ վաղ առավոտից շփման գծի ողջ երկայնքով Ադրբեջանն ակտիվ հրետակոծություն է սկսել։ Հրետակոծվում են նաև խաղաղ բնակավայրերը, այդ թվում մայրաքաղաք Ստեփնակերտը: Հակառակորդի կրակոցների հետևանքով Մարտունիում մեկ կին և մեկ երեխա է զոհվել։ Կան նաև վիրավորներ։

Պաշտպանության բանակի առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Վերջին տվյալներով՝ ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ։

Լուսանկարը՝ Եվրոպական խորհրդի պաշտոնական կայք էջի