Գայանե Աբրահամյանը հետ է վերցրել մանդատից հրաժարվելու դիմումը
Ազգային ժողովի «Իմ քայլը» խմբակցության պատգամավոր Գայանե Աբրահամյանը հետ է վերցրել մանդատից հրաժարվելու դիմումը: Այս մասին պատգամավորը հայտնել է ֆեյսբուքյան գրառմամբ:
«Սիրելի հայրենակիցներ,
Այս պահին անգամ այս մասին գրելն եմ համարում ժամանակի կորուստ, բայց Ձեր կոչերն անպատասխան չեմ կարող թողնել. իհարկե, այսօր առավել քան երբեւէ բոլորս պետք է միասնական լինենք եւ պատերազմական այս վիճակում մանդատ դնելս առնվազն նշանակում է մարտի դաշտից հեռանալ, եթե չասեմ` դավաճանել։
Այս պատերազմը հաղթելուց հետո համատեղ կքննարկենք անելիքս, հետ եմ վերցնելու հրաժարականի դիմումս, գործընկերներիս հետ լծված ենք արտաքին ֆրոնտում մեր դիրքերը պահելու կարեւոր գործին»,- գրել է պատգամավորը։
Հիշեցնենք, որ սեպտեմբերի 25-ին Գայանե Աբրահամյանը մանդատից հրաժարվելու դիմում էր ներկայացրել:
Մեկնաբանել