Պաշտոնական Թեհրանը Հայաստանին և Ադրբեջանին կոչ է արել անմիջապես դադարեցնել ռազմական գործողությունները և սկսել բանակցային գործընթացը։ Այդ մասին հայտարարել է Իրանի ԱԳՆ պաշտոնական ներկայացուցիչ Սաիդ Խաթիբզադեն։ 

«Թեհրանը կոչ է անում կողմերին ցուցաբերել զսպվածություն, ինչպես նաև կրակի անհապաղ դադարեցում և երկու կողմերի միջև բանակցությունների վերսկսում։ Իրանն անհանգստացած է Ադրբեջանի և Հայաստանի միջև ռազմական բախումներով և ուշադիր հետևում է իրավիճակի զարգացմանը»,- նշվում է հաղորդագրության մեջ։

Իրանի արտաքին գործերի նախարարությունը պատրաստակամություն է հայտնել աջակցել հրադադարի հաստատմանը և կողմերի միջև երկխոսության վերսկսմանը։

Իրանի արտաքին գործերի նախարար Ջավադ Զարիֆն էլ «Twitter»-ի իր միկրոբլոգում գրել է, որ տարածաշրջանին անհրաժեշտ է խաղաղություն։

Iran is closely monitoring the alarming violence in Nagorno-Karabakh. We call for an immediate end to hostilities and urge dialogue to resolve differences.

Our neighbors are our priority and we are ready to provide good offices to enable talks.

Our region needs peace now.

— Javad Zarif (@JZarif) September 27, 2020

«Հարևանները մեր առաջնահերթությունն են հանդիսանում և մենք պատրաստ ենք միջնորդի դեր ունենալ բանակցային գործընթացում»,- գրել է Իրանի արտաքին գերատեսչական մարմնի ղեկավարը։

Լուսանկարը՝ Wikimedia Commons-ի