Վարչապետ Նիկոլ Փաշինյանը Արցախում ռազմական գործողությունները սկսվելուց առաջ հարցազրույց էր տվել Հանրային հեռուստաընկերությանը, որտեղ անդրադարձել էր նաեւ ադրբեջանական լրատվամիջոցներից մեկի, այսպես կոչված, «կոնֆիդենցիալ բացահայտմանը», իբրեւ թե վարչապետի անունից Արցախի հարցով գաղտնի բանակցություններ է վարել նրա խորհրդական Արսեն Խառատյանը։

Հանրային հեռուստաընկերությունը հետաձգել է հարցազրույցի հեռարձակումը, սակայն վարչապետն իր էջում տեղադրել է դրա՝ արցախյան բանակցություններին առնչվող հատվածը, որ ներկայացնում ենք ստորեւ։