Արցախի պետնախարար, օպերատիվ շտաբի պետ Գրիգորի Մարտիրոսյանն այսօր ընդունել է Առողջապահության նախարար Արսեն Թորոսյանին
Արցախի տեղեկատվական շտաբը տեղեկացնում է, որ Արցախի պետական նախարար, օպերատիվ շտաբի պետ Գրիգորի Մարտիրոսյանն այսօր ընդունել է ՀՀ առողջապահության նախարար Արսեն Թորոսյանին:
Հանդիպմանը, որին մասնակցել են ԱՀ առողջապահության նախարար Արարատ Օհանջանյանն ու ԱՀ առողջապահության նախկին նախարար Արայիկ Բաղրյանը, քննարկվել են զույգ պետությունների առողջապահական համակարգերի համագործակցային, համակարգված աշխատանքների ընթացքը:
Մասնավորապես, կարևորվել է տարբեր սցենարների դեպքում բժշկական պարագաների ու տեխնիկական միջոցների ապահովվածությունը: Արսեն Թորոսյանն ընգծել է, որ ԱՀ առողջապահության նախարարության հետ առանց հապաղելու շարունակվում են անհրաժեշտ ուժերի ու ռեսուրսների հավաքագրման, բժշկական պարագաների ցուցակագրման աշխատանքները: Գրիգորի Մարտիրոսյանը բարձր է գնահատել ՀՀ առողջապահության նախարարության կողմից իրականացվող հետևողական աշխատանքները՝ պատերազմական իրավիճակում բուժօգնությունը բարձր մակարդակով կազմակերպելու առումով:
Մեկնաբանել