Մեկ օրվա ընթացքում ադրբեջանական կողմից զոհվել է 130 և վիրավորվել 200 զինծառայող։ Հայկական զինված ուժերը կողմից խոցվել են 29 տանկ և զրահատեխնիկա, 3 «ՏՕՍ» ծանր հրանետային համակարգ, 1 «Սմերչ» տիպի համազարկային կրակի կայանք, 11 ԱԹՍ։ Այս մասին մամուլի ասուլիսին հայտնեց Հայաստանի պաշտպանության նախարարության ներկայացուցիչ Արծրուն Հովհաննիսյանը։

Նրա խոսքով՝ տվյալները որոշակիորեն կարող են փոփոխվել, քանի որ մարտերը շարունկվում են։ 

Այսօրվա ընթացքում համառ մարտերը շարունակվել են։ Հիմնական կիզակետը եղել է Արցախի հյուսիսային և հարավային հատվածները։

Արծրուն Հովհաննիսյանը քաղաքացիներին կրկին կոչ արեց չտարածել ադրբեջանական կողմի հրապարակած ապատեղեկատվությունները, իրենց հաջողությունները ցույց տվող կեղծ տեսանյութերը։ Ասաց՝ այսօր նման ապատեղեկատվության տարածումը, նախորդ օրերի համեմատ, աննախադեպ մեծ է եղել։