Բողոքի ակցիա Նիցայում՝ ընդդեմ Ադրբեջանի եւ ի համերաշխություն Արցախի ու Հայաստանի
Ֆրանսիայի Նիցա քաղաքի Արդարադատության պալատի դիմաց այսօր բողոքի ակցիա է տեղի ունեցել ընդդեմ Հայաստանի եւ Արցախի դեմ ադրբեջանական ագրեսիայի։ Այն կազմակերպել են Լազուրի ափի հայկական կազմակերպությունները։
«Այս նոր պատերազմը, որը Ադրբեջանը վարում է Թուրքիայի լիակատար աջակցությամբ, կործանարար ազդեցություն կունենա ամբողջ տարածաշրջանի համար, եւ դա սարսափելի է, երբ գիտենք այս երկու պետությունների ցեղասպան բնույթը»,- ասված է նախաձեռնության՝ նախօրեին տարածած հաորդագրության մեջ։
Ցուցարարներին իրենց ներկայությամբ աջակցություն են ցուցաբերել քաղաքապետարանի ներկայացուցիչ Քրիստիան Էստրոնին եւ պատգամավոր Էրիկ Սիոտին։
Բողոքի խաղաղ ակցիան ուղեկցվել է հայկական երգերով։
Լուսանկարներրը տրամադրել է «Հետքի» ընթերցող Անելին Սաբադելը
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել