Այսօր Ազգային ժողովի աշխատանքային նիստը տապալվեց, քանի որ քվորում չկա: 131 պատգամավորից գրանցվել է ընդամենը 39 պատգամավոր: ԱԺ նախագահ Սամվել Նիկոյանը, մեջբերելով ԱԺ կանոնակարգ օրենքի համապատասխան հոդվածը, նշեց, որ ԱԺ-ն աշխատանքները կշարունակի, երբ քվորում լինի, սակայն գրանցման գործընթացը չի կարող 3 ժամից ավելի լինել:

Նշենք, որ ԱԺ նախագահն ամենեւին էլ մտահոգված չէր, որ իր ղեկավարած խորհրդարանում պատգամավորներն իրենց «տնավարի» են պահում՝ երբ ցանկանում են' գալիս են աշխատանքի, երբ տրամադրություն չեն ունենում' մոռանում են, որ պատգամավոր են ընտրվել:

Այս պահին խորհրդարանում ընդմիջում է հայտարարվել: Ամենայն հավանականությամբ ՀՀԿ-ի խմբակցությունից հիմա զանգերով փորձում են «բերման» ենթարկել պատգամավորներին, որպեսզի կարողանան քննարկել օրենքի նախագծերը: