Ամենայն Հայոց Կաթողիկոս Գարեգին Երկրորդի տնօրինությամբ հոկտեմբերի 3-ին՝ ժամը 18։00-ին, Հայաստանի և սփյուռքի թեմերի բոլոր վանքերում և եկեղեցիներում կկատարվի զորակցության համազգային աղոթք հանուն Արցախի և հայրենյաց պաշտպանների։ Այս մասին ասվում է Մայր Աթոռի տեղեկատվական համակարգի տարածած հաղորդագրությունում:

«Մայր Աթոռ Սուրբ Էջմիածինը հրավիրում է բոլոր հայորդիներին իրենց առանձնական աղոթքով միանալ համազգային զորակցության արարողությանը»,- ասվում է հաղորդագրությունում։