Պաշտպանության բանակը հերքում է Ադրբեջանի կողմից Մատաղիսը գրավելու մասին տեղեկությունը
Արցախի Հանրապետության Պաշտպանության բանակը հերքում է այն տեղեկությունները, թե իբր Մարտակերտի շրջանի Մատաղիս գյուղն անցել է Ադրբեջանի վերահսկողության տակ: Պաշտպանության բանակի տարածած հաղորդագրությունում ասվում է հետևյալը.
«Արցախա-ադրբեջանական հակամարտության գոտու ողջ երկայնքով մարտական գործողությունները շարունակվում են: Առավել համառ մարտեր են ընթանում հյուսիսային և հարավային ուղղություններում: Հակառակորդն անընդհատ ձեռնարկում է հարձակման փորձեր, որոնք մատնվում են անհաջողության ՊԲ ստորաբաժանումների վճռական գործողությունների արդյունքում:
Ադրբեջանական կողմի պնդումներն այն մասին, թե իբր Մատաղիսը գտնվում է իրենց վերահսկողության ներքո, իրականությանը չի համապատասխանում: Տեսանյությում ցուցադրված հակառակորդի ավտոշարասյան խոցումը տեղի է ունենում Մատաղիս տանող ճանապարհին»:
Տեսանյութը դիտելու համար սեղմեք ստորև դրված հղման վրա:
Մեկնաբանություններ (1)
Մեկնաբանել