ԼՂՀ վարչակազմի ղեկավարների հաշվետվությունները

Սոցիալական ոլորտ

Աշխատակազմի սոցիալական ծառայության տարածքային գործակալությունը տվել է.

Ծննդյան միանվագ նպաստ` 6400,0 հազար դրամ:

Ամուսնության նպաստ` 2100,0 հազար դրամ:

Դրամական օգնություն երկու զոհ ունեցող ընտանիքներին` 225,0 հազար դրամ:

Երեխաններին տրվող ամենամսյա նպաստ` 38314,2 հազար դրամ:

Գերեզմանների բարեկարգում` 2100,0 հազար դրամ:

Հաշմանդամներին տրվող միանվագ օգնություն` 455,0 հազար դրամ:

Գործազրկության նպաստ` 282 750 դրամ:

«Արցախբանկ» ՓԲԸ Հադրութի մասնաճյուղում բացվել է 5 նպատակային հաշիվ: Ստացվել է 60 սոցիալական քարտ:

Պետական շինարարություն

Ավարտվում է Հադրութ քաղաքում կառուցվող, 9 բնակարան ունեցող բնակելի շենքի և Ուխտաձորի, Քյուրաթաղի համայնքներում կառուցվող բնակելի տների ու Դրախտիկի մանկապարտեզի շենքի շինարարությունը: Բնակելի տներ են կառուցվում Վարդաշատ, Բանաձոր, Արևշատ, Խծաբերդ, Քյուրաթաղ, Տող, Մեծ թաղեր, Մարիամաձոր, Ջրակուս և Հին թաղեր համայնքներում:

Սկսվել է Ազոխի, Ուխտաձորի դպրոցների ու Տումու և Հադրութի մանկապարտեզների շենքերի շինարարությունը:

Մեծ Թաղեր, Տող և Ուխտաձոր գյուղերում կառուցվում են ներքին ջրատար ցանցեր:

Տնտեսություն

Աշխատանքներ են կատարվում գարնանացանի ուղղությամբ: 6915 հա կատարված աշնանացանի խնամքի հետ մեկտեղ պայքար է տարվում մկնանման կրծողների դեմ: Այդ նպատակով շրջանին հատկացվել է 400 կգ ցինկի ֆոսֆիդ, 400 լ ձեթ:

Կրթություն և մշակույթ

Կրթության, մշակույթի և երիտասարդության հարցերի բաժինները կատարել են հետևյալ աշխատանքները.

Կազմակերպվել և անցկացվել է դպրոցականների առարկայական օլիմպիադայի շրջանային փուլը:

Հավաքագրվել են ավարտական և պետական ավարտական ու միասնական քննությունների մասնակիցների ցուցակ հայտերն ու դիմում հայտերը:

Մեթոդական  օգնություն է ցուցաբերվել Տողի միջնակարգ դպրոցի մանկավարժական կոլեկտիվին:

«Տըրընդեզ» ազգային տոնի կազմակերպում Այգեստան համայնքում:

Հայրենիքի պաշտպանի օրվան նվիրված համերգի կազմակերպում Պաշտպանության բանակի Հադրութի զորամասում:

Հասարակության հետ կապ

Հաշվետու ժամանակաշրջանում Հադրութի վարչակազմի քարտուղարություն է մուտքագրվել 27 դիմում:

Արցախի նախագահի, կառավարության աշխատակազմերից վարչակազմ է մուտքագրվել 13 որոշում, գրություն և դիմում:

Շրջանի ներսից վարչակազմ է մուտքագրվել 22 գրություն: Շրջանի վարչակազմից դուրս է եկել 57 գրություն:

Վարչակազմի ղեկավարի և աշխատակազմի ղեկավարի մոտ տարբեր հարցերով ընդունելության է եկել 38 մարդ: