Արտակարգ իրավիճակների նախարար Ֆելիքս Ցլակյանը հայտարարել է, որ այս պահին Հայաստանում չկա օդային տագնապի ազդանշան տալու անհրաժեշտություն, բայց հարկ եղած դեպքում այն լինելու է ոչ թե փորձնական, այլ իրական:

Նախարարը հավաստիացրել է, որ Արտակարգ իրավիճակների նախարարությունն ունի իրազեկման անհրաժեշտ բոլոր միջոցները՝ «Օդային տագնապ»-ի դեպքում բնակչությանն այդ մասին օպերատիվ տեղեկացնելու համար:

Հարկ եղած դեպքում իրազեկումն իրականացվելու է էլեկտրաշչակներով, բջջային հեռախոսներին ուղարկվող կարճ sms հաղորդագրությունների տեսքով և զանգվածային լրատվության միջոցներով:

Չնայած այս պահին չկա դրա անհրաժեշտությունը, բայց հատկապես սահմանամերձ շրջանների բնակիչներին Ֆելիքս Ցոլակյանը կոչ է արել թարմացնել գիտելիքները՝ վերհիշելով Օդային Տագնապի ժամանակ վարքագծի պարզագույն կանոնները: