![](/static/articles/01/22/69/l-JBROHsRzUC.jpg)
«Առավոտ». «Իսկական արվեստագետին չպետք է ձգի ԱԺ-ն»
Նախընտրական այս շրջանում, երբ շոու-բիզնեսի ներկայացուցիչներից, ինչպես նաեւ արվեստագետներից ոմանք երազում են իրենց տեղն ունենալ ԱԺ-ում, դիրիժոր Էդուարդ Թոփչյանից «Առավոտը» հետաքրքրվեց` ինչպե՞ս է նայում այդ «երեւույթին»:
«Գիտակցելով, որ դա յուրաքանչյուրի իրավունքն է, այնուամենայնիվ, գտնում եմ, որ, օրինակ, բարձրարվեստ երաժշտին, իսկական արվեստագետին չպետք է ձգի ԱԺ-ն»,- ասաց դիրիժորը:
Հիշեցնելով, որ տարբեր առիթներով դրական է արտահատվել երգչուհի Շուշան Պետրսյանի հասցեին, ով, ամենայն հավանականությամբ, կգնա ԱԺ, «Առավոտը» խնդրեց կոնկրետ արտահայտվել այս առիթով:
«Շուշանին սիրում, հարգում եւ գնահատում եմ իբրեւ երգչուհի: Նա խելացի կին է: Ինձ նույնպես հետաքրքիր են նրա ծրագրերն ու առաջին իսկ հանդիպման ժամանակ կզրուցեմ այդ թեմայով»,- հայտնեց Թոփչյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել