Մարտի 23-ին Երևանից դեպի սահմանամերձ 28 գրադարաններ ուղևորվեցին գրքերով մեքենաներ: Գիրք նվիրելու օրվան ընդառաջ՝ փետրվարի 16-ից 18-ին, ՀՀ մշակույթի նախարարությունը Ֆլեշմոբ դիվիզիայի հետ իրականացրել էր «Մուտքը՝ գրքով» միջոցառումների շարքը:

Ակցիայի արդյունքում մշակութային կազմակերպությունների հավաքված գրքերը, անհատների արած նվիրատվություններն ու պետպատվերով մշակույթի նախարարության հրատարակված գրականությունից հատկացումները՝ ընդհանուրը 13.562 անուն գիրք, բաշխվել է հանրապետության 9 մարզի (Արագածոտն, Արարատ, Արմավիր, Գեղարքունիք, Լոռի, Շիրակ, Սյունիք, Վայոց ձոր, Տավուշ) սահմանամերձ 28 գրադարաններին: