Արցախի վարչակազմի ղեկավարների հաշվետվությունները

Սոցիալական ոլորտ

2012թ. փետրվարին սոցծառայության գործակալությունում մուտքագրվել է 81 դիմում, որոնց ժամանակին ընթացք է տրվել: Տրվել է տարբեր բնույթի 22 տեղեկանք:

Ձևակերպվել են երեխայի ծննդյան միանվագ նպաստի 31 գործ, ամենամսյա պետական նպաստի 25 գործ, ամուսնության միանվագ նպաստի 13 գործ:

Ընդունվել է 80 հայտ սոցիալական քարտերի տրամադրման համար:

Ձևակերպվել է մեկ մահացած հաշմանդամ զինծառայողի գործ՝ գերեզմանի բարեկարգման փոխհատուցում ստանալու համար:

Ընդունվել է մեկ զոհված զինծառայողի գործ՝ ապահովագրական գումարի,  հուղարկավորման և գերեզմանի բարեկարգման ծախսերի փոխհատուցում տրամադրելու համար:

Արցախի սոցապահովության նախարարությունը մինչև 18 տարեկան 4 և ավելի երեխա ունեցող մարտունաբնակ 59 ընտանիքի և 33 միայնակ կենսաթոշակառուի և հաշմանդամների տրամադրել է սննդամթերք:

Տնտեսություն

Հաշվետու ամսում հողերի վարձակալության պայմանագիր է կնքվել 37 հողօգտագործողի հետ:

Համայնքներից տեղեկություններ են վերցվել վերանորոգման ենթակա գյուղտեխնիկայի, լիզինգային ձևով տրակտորների և գյուղմեքենաների պահանջի մասին:

Ժամանակացույց է կազմվել Մարտունու «ՄՏԿ» ՓԲԸ-ի միջոցով գարնանացան մշակաբույսերի կատարվելիք աշխատանքների համար:

Հողերի արդյունավետ օգտագործման ուղղությամբ ստուգումներ են իրականացվել Ճարտար, Ղ.Ճարտար, Քարահունջ համայնքներում:

Փետրվարին 1.414.200 դրամի չափով հողի վարձավճար է հավաքագրվել:

Հրապարակման նպատակով կազմվել և ֆինանսների նախարարությանն են ներկայացվել շրջվարչակազմի ենթակայության ՊՈԱԿ-ի և ՓԲԸ-ի կողմից 2012թ. իրականացվող գնումների պլանները:

Կրթություն

Հաշվետու ժամանակահատվածում կրթության բաժինը կատարել է հետևյալ աշխատանքները.

Փետրվարի 13-15-ը կազմակերպվել և անցկացվել է դպրոցականների առարկայական օլիմպիադաների շրջանային փուլը:

Նախապատրաստական աշխատանքներ են իրականացվել օլիմպիադաների արդյունքների ամփոփման և հանրապետական փուլի մասնակիցների կազմը ձևավորելու ուղղությամբ:

Փետրվարի 6-ին անցկացվել է հանրակրթական դպրոցների տնօրենների խորհրդակցություն, որի ժամանակ քննարկվել են կրթության համակարգին հուզող հարցերը:

Կազմակերպվել և ավարտին են հասցվել հանրակրթական դպրոցների 9-րդ և 12-րդ դասարանների շրջանավարտների տարեվերջի ավարտական և միասնական քննություններին հայտավորման աշխատանքները ԳԹԿ-ին ներկայացնելու համար:

Անցկացվել են կրոսավազքի շրջանային առաջնության, տարբեր մարզական միջոցառումներ՝ նվիրված «Հայրենյաց պաշտպանի» օրվան:

ԿԳ նախարարության պետական տեսչությունը համալիր ստուգումներ է կատարվել Կարմիր Շուկայի միջնակարգ դպրոցում, ռազմահայրենասիրական դաստիարակության դրվածքի ստուգում է իրականացվել Շեխերի միջնակարգ դպրոցում:

Հանրակրթական դպրոցների ընթացիկ վերանորոգման նպատակով քաղաքաշինության բաժնի հետ համատեղ աշխատանքներ են իրականացվել Թաղավարդի, Կ.Շուկայի, Թ/Կալերի, Շեխերի, Ջիվանիի, Բերդաշենի և Աշանի դպրոցներում:

Կազմակերպվել է տարրական դասարանների ուսուցչի թափուր տեղի մրցույթ Խնուշինակի մ/դպրոցում:

Մշակույթի և երիտասարդության հարցեր

Փետրվարին նշվել է «Հայրենյաց պաշտպանի» օրը: Այդ առիթով ինտելեկտուալ խաղ է կազմակերպվել 2-րդ պաշտպանական շրջանում:

Թաղավարդի ձորակում կազմակերպված միջոցառումը նվիրված էր փետրվար ամսում ծնված, զոհված ազատամարտիկների հիշատակին:

Նշվել է եկեղեցական հաստատուն տոնը՝ «Տեառնընդառաջը»:

Մարտունու մշակույթի տանը կայացել է միջոցառում՝ նվիրված զոհված ազատամարտիկների հիշատակին:

Հասարակայնության հետ կապ

Փետրվարին շրջվարչակազմի աշխատակազմ է մուտքագրվել 95 դիմում, որից 11-ը՝ վերադաս մարմինների միջոցով: Դիմումներին ընթացք է տրվել սահմանված ժամկետներում: