Արցախի նախագահ Արայիկ Հարությունյանն հայտնում է, որ այսօր Հադրութում Ադրբեջանի դիվերսիոն ներթափանցման ուժերի դեմ պայքարի ընթացքում անգամ համոզվել է, որ տղաների մարտական ոգին հզոր է:

«Նրանց խաղաղ ու սթափ հայացքները հաղթանակի վստահ տրամադրությունն են արտահայտում թշնամու հրոսակախմբերի դեմ պայքարում: Ի դեպ, տեղում պատահաբար հանդիպեցի նաև արցախյան առաջին պատերազմի մեր լեգենդար հրամանատարներից Առուշան Բադասյանին, ով պատերազմի լուրն առնելուն պես Միացյալ նահանգներից շտապել է Արցախ:

Մենք մեր հողի համար ենք կանգնում, իսկ այդ ընթացքն անկասելի է:

Փա՛ռք հայ ժողովրդին, որ հավերժ պետք է ապրի ու արարի իր հայրենի հողում»: