Վարչապետ Նիկոլ Փաշինյանը իր ֆեյսբուքյան էջում լուսանկարներ է հրապարակել աշխարհի տարբեր երկրներում հայերի կազմակերպած ցույցերի եւ բողոքի ակցիաների մասին ընդդեմ Ադրբեջանի ագրեսիայի եւ նշել, որ այս օրերին աշխարհի հայությունը ցույց է տալիս համախմբվածության ուժը։

«Այս շարժումը պետք է գրավիչ դարձնել նաեւ այլ ազգերի ներկայացուցիչների համար՝ ովքեր դեմ են բռնությանը, կոռուպցիային, ահաբեկչությանը եւ ձգտում են արդարության, ազատության եւ սիրո հաղթանակին։

Արցախը պետք է դառնա համաշխարհային արդարության խորհրդանիշ։

Աշխարհը պետք է ճանաչի Արցախի ինքնորոշման իրավունքը։ Եթե դա չեն անում կառավարություններն ու խորհրդարանները, դա կարող են անել ժողովուրդները, անհատները, կազմակերպությունները:

Սա պետք է դառնա այդպիսի անհատներին, ժողովուրդներին, կազմակերպություններին միավորող համաշխարհային շարժում»,-գրել է վարչապետը։

Լուսանկարում՝ հայերի ակցիան Գերմանիայի Քյոլն քաղաքում, վարչապետի էջից