HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գայանե Հովսեփյան

Ավտոերթ Իսրայելում՝ Ադրբեջանին զենք չվաճառելու պահանջով

Հոկտեմբերի 17-ին Իսրայելի հայ համայնքը Հայֆա քաղաքից ավտոերթ է սկսել դեպի Երուսաղեմ։ Հայկական համայնքը Երուսաղեմի Պաշտպանության նախարարության և Իսրայելի խորհրդարանի՝ Քնեսեթի դիմաց բողոքի ակցիա կիրականացնի՝ պահանջելով, որ Իսրայելն այլևս զենք չվաճառի Ադրբեջանին և ճանաչի Արցախի անկախությունը։

Ակցիայի նպատակը, ըստ մասնակիցների, հայ ժողովրդի ձայնն Իսրայելում լսելի դարձնելն է։

Իսրայելում արդեն 5 տարի բնակվող Էսթեր Մելքումովան մեզ հետ զրույցում հայտնեց, որ հայ համայնքը դեմ է նաև Թուրքիայի ներգրավվածությանը և արցախցիների նկատմամբ կազմակերպված տեռորին։ 

«Այս պահին մոտ 400 մեքենա Երուսաղեմի ճանապարհին է։ Իսրայելի գրեթե բոլոր քաղաքներից էլ մասնակիցներ կան։ Հայֆայից ավտոերթը մեկնարկել է, կենտրոնից և հարավային այլ քաղաքներից միացել են մեզ»,- հայտնեց ակցիայի մասնակիցը։

Էսթերի խոսքով՝ նմանատիպ ակցիաներն Իսրայելում շարունակական են լինելու։

 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter