Արցախի վարչակազմի ղեկավարների հաշվետվությունները

Սոցիալական ոլորտ

Ուսումնասիրվել է 10 դիմում, և ներկայացվել համապատասխան առաջարկություն: Հատկացվել է 10 տեղեկանք:

Նշանակվել է 1 վերաբնակչի գործ և ուղարկվել սոցապնախարարություն:

-  առանձին խմբերի երեխաների նպաստներ` 21.277.200 դրամ

- ծնելիության խթանման միջոցառումներ` 2.000.000 դրամ

- 2 և ավելի զոհ ունեցող ընտանիքներին դրամական օժանդակություն՝ 106.050 դրամ

- գործազրկության նպաստ՝  363.186 դրամ

- Արցախի վիրավոր զինծառայողի դրամական օգնություն՝ 46.500 դրամ

- պետական աջակցություն երիտասարդ ընտանիքներին՝ 600.000 դրամ

- աջակցություն մասնագետներին՝ 169.450 դրամ

Նպաստառուների անձնական հաշիվներում կատարվել են գրանցումներ՝ ստացված ամսական գումարների մասին: Նշանակվել է 5 երեխայի նպաստի գործ:

Պատրաստվել է հաշվետվություն ծախսերի կատարման մասին` ըստ ծրագրերի և ուղարկվել սոցապնախարարություն:

Նշանակվել է 5 երեխայի միանվագ նպաստի գործ: Նշանակվել է 1 ամուսնության միանվագ նպաստի գործ:

Սոցապնախարարության տեղադրած հատուկ նպաստառու երեխաների ծրագրի բազայում մտցվել է 5 երեխայի նպաստի գործ, որը կրում է շարունակական բնույթ:

Պատրաստվել է գրություն և ուղարկվել «Արցախբանկի» Շուշիի մասնաճյուղ` 1 ավանդատիրոջ երեխաների համար ավանդային հաշիվ բացելու նպատակով:

Սոցապնախարարության հատկացրած նյութական օգնությունը բաշխվել է շրջանի 41 բազմազավակ ընտանիքի և 24 միայնակ թոշակառուի:

Պատրաստվել է հաշվետվություն, հայտ-պահանջագիր գործազուրկների գծով և ուղարկվել սոցապնախարարություն: Նշանակվել է 5 գործազուրկի նպաստ: Հաշվառումից հանվել է 10 գործազուրկ, որից 7-ը՝ աշխատանքի տեղավորվելու կապակցությամբ:

Գրանցվել է 25 սոցիալական քարտի հայտ, և բաշխվել 19 սոցիալական քարտ:

Տնտեսություն

Արցախի գյուղատնտեսության նախարարություն են ներկայացվել համայնքներում առկա գյուղատնտեսական տեխնիկայի և սարքավորումների վերաբերյալ տեղեկություններ: Ընդհանրացվել են շրջանում 2011թ. գյուղատնտեսության ոլորտի համախառն եկամուտների արդյունքները:

Համայնքներից հավաքագրվել են անասնագլխաքանակի և արտադրված կենդանական ծագման մթերքների մասին տեղեկություններ: Բացատրական աշխատանք է կատարվել անասնավարկ ցանկացող անձանց հետ:

Արցախի գյուղատնտեսության նախարարություն են ներկայացվել լիզինգային կարգով գյուղտեխնիկա ձեռք բերելու մասին հայտերը:

Կրթություն, մշակույթ և սպորտ

Պատրաստվել են դպրոցների տարեկան ֆինանսական հաշվետվությունները և հաստիքացուցակները: Ավարտական քննությունների ուղեցույցներ են ստացվել ԳԹԿ-ից և բաժանվել դպրոցներին:

Կազմակերպվել և անցկացվել է Արցախի դպրոցականների առարկայական օլիմպիադայի շրջանային փուլը, ստուգվել և ամփոփվել են արդյունքները, և հանրապետական փուլի մասնակիցների հայտ է ներկայացվել ԿԳ նախարարություն:

ԳԹԿ են ներկայացվել միասնական, պետական ավարտական քննությունների դիմում-հայտերը և ցուցակ-հայտերը:

Փետրվարի 1-ին աջակցություն է ցուցաբերվել մշակութային կազմակերպություններին և համայնքներին Մայիսի 9-ի տոնական միջոցառումների ծրագրերը կազմելու գործում:

Փետրվարի 2-ին կազմվել է մշակույթի և երիտասարդության հարցերի բաժնի Մայիսի 9-ի տոնական միջոցառումների ծրագիրը:

Փետրվարի 13-ին Շուշիի Սուրբ Ղազանչեցոց եկեղեցու բակում կազմակերպվել է «Տեառնընդառաջ» ավանդական եկեղեցական տոնը:

Փետրվարի 17-ին անցկացվել է խորհրդակցություն ստեղծագործական խորհրդի անդամների հետ` «ԼՂՀ համայնքները մշակութային խաչմերուկում» մրցույթի ծրագիրը քննարկելու և պատրաստելու վերաբերյալ:

Փետրվարի 21-ին Հակաօդային պաշտպանության զորամասում կազմակերպվել է «Շուշիի մշակույթի և երիտասարդության կենտրոնի» «Շուշի» համույթի համերգը՝ նվիրված Հայրենյաց պաշտպանի օրվան:

Փետրվարի 22-ին՝ Արցախի մշակույթի և երիտասարդության հարցերի նախարարի մոտ տեղի ունեցած խորհրդակցության ժամանակ, քննարկվել են 2012թ մայիսյան տոնակատարության միջոցառումների կազմակերպման  հետ կապված հարցեր:

Փետրվարի 21-24-ը Ստեփանակերտում անցկացվել է Արցախի պատանիների և աղջիկների 2012թ. շախմատի առաջնությունը, որտեղ Շուշիի շրջանի պատանի շախմատիստները գրավել են մեկ` 1-ին (Լիլիթ Սարգսյան) և երկու 2-րդ տեղեր (Աննա Սարգսյանը): Տղաների միջև մինչև 16 տարեկանների կարգում 2-րդ տեղը զբաղեցրել է Դավիթ Սարգսյանը:

Փետրվարի 24-28-ը Ստեփանակերտում կայացել է Արցախի կանանց 2012թ. բասկետբոլի առաջնությունը, որին մասնակցել է Շուշիի շրջանի հավաքական թիմը:

Փետրվարի 26-ին Ստեփանակերտում կայացել է Արցախի մինի-ֆուտբոլի 2012թ. առաջնության 6-րդ տուրը, որում Շուշիի շրջանի հավաքական թիմը զբաղեցրել է 2-րդ տեղը:

Շուշիում փետրվարի 19-28-ը անցկացվել են քաղաքի շախմատի, նարդու, աքլորախաղի և բասկետբոլի առաջնությունները:

Կապիտալ շինարարություն, վերականգնողական աշխատանքներ

Շուշիի շրջանում ընթացող շինարարական աշխատանքների վերահսկում: Պարբերական այցելությունների ձևով վերահսկվել են շրջանում ընթացող բոլոր տիպի շինարարական աշխատանքների ընթացքն ու որակը: ՔՃ բաժինը ուսումնասիրել է Քարին տակ գյուղի հանդիսությունների տան տեխնիկական վիճակը և կազմել վերանորոգման աշխատանքների նախահաշիվ:

Շուշի քաղաքում 1-ին պետական գրանցման ծրագրի շրջանակներում ԱԳԿՊԿ-ի Շուշիի մասնաճյուղի հետ համատեղ տեղազննվել ու չափագրվել են հողատարածքները, մշակվել ու հասցեավորվել են հողհատկացման հատակագծերը (թվով 3 միավոր հողատարածք), չափագրվել են «Արցախէներգո» ՓԲԸ-ի Շուշիի մասնաճյուղին պատկանող ենթակայանները, պատրաստվել են հողհատկացման գլխավոր հատակագծերը (թվով 16 միավոր):

ՔՃ բաժինը շարունակել է հողհատկացման հատակագծերի տեղադրման գործընթացը Շուշի քաղաքի էլեկտրոնային քարտեզի վրա:

ՔՃ բաժինը Շուշի քաղաքապետարանի հետ համատեղ հաշվառել է բազմաբնակարան շենքերի 1-ին և կիսանկուղային հարկերի բաց տարածքները և վերահսկել սեփականատերերի կատարած աշխատանքները (ջրի կանգնակների ջերմամեկուսացման համար):

Հասարակայնության հետ կապ

Վարչակազմի ղեկավարն ընդունել է 1 որոշում, 4 կարգադրություն: Աշխատակազմի ընդհանուր բաժին են մուտքագրվել 45 պաշտոնական գրություն և 17 դիմում, որոնց ընթացք է տրվել օրենսդրությամբ սահմանված կարգով:

Վարչակազմի ղեկավարը ընդունել է այցելուների տարաբնույթ հարցերով: