Տեսանյութեր
Լուսանկարներ
Եվրախորհրդարանի հույն պատգամավորը կոչ է արել անվավեր ճանաչել դիվանագիտական անձնագիր ունեցող ադրբեջանցիների շենգենյան վիզաները
Եվրախորհրդարանի հույն պատգամավոր Էվա Կաիլին գրություն է ուղարկել Եվրամիություն, որով առաջարկում է անվավեր ճանաչել դիվանագիտական անձնագիր ունեցող ադրբեջանցիների շենգենյան վիզաները։ Այդ մասին գրում է «Greek City Times»-ը՝ հրապարակելով նաև Կաիլիի թվիթերյան գրառումը։
Κατέθεσα αίτημα @EU_Commission αφαίρεσης ΕU #Visa Αζέρων με διπλωματικό διαβατήριο & κατάργησης της διευκόλυνσης απόκτησης ΕU Visa-συνέπεια της κατάφωρης παραβίασης ανθρωπίνων δικαιωμάτων των Αρμενίων #ΝαγκόρνοΚαραμπάχ από #Αζερμπαϊτζάν #Τουρκία &ζήτησα ενημέρωση του @Europarl_EN pic.twitter.com/DSvAi61GYc
— Eva Kaili (@EvaKaili) October 19, 2020
Պատգամավորը նշել է, որ այս քայլը պետք է դիտարկվի որպես Իլհամ Ալիևի բռնապետական ռեժիմի կողմից Լեռնային Ղարաբաղում հայերի իրավունքների բացահայտ ոտնահարման հետևանք, որին աջակցում է թուրքական կողմը։
Միևնույն ժամանակ, նա կոչ է արել գնահատել ԵՄ անվտանգությունը՝ հաշվի առնելով Ադրբեջանի կողմից Արցախ ներխուժման փորձը և հակամարտության գոտուց դեպի ԵՄ անօրինական միգրացիոն հոսքերի ընդլայնման արդեն իսկ տեսանելի հնարավորությունը: Նա Եվրոպական հանձնաժողովից պահանջել է այս առնչությամբ Եվրախորհրդարանին ներկայացնել ամբողջական տեղեկատվություն և զեկույց։
Բացի այդ, հույն պատգամավորը կոչ է արել գործնական աջակցություն տրամադրել Հայաստանին՝ երկխոսություն սկսելով հայերի համար այցագրային ռեժիմը չեղարկելու ուղղությամբ, երբ երկիրը կանգնած է թուրքական վտանգի առաջ։
«Պարոն Ալիևը Լեռնային Ղարաբաղում պիղծ պատերազմ է վարում հայերի դեմ՝ խախտելով 1994 թվականի զինադադարը և արհամարհելով միջազգային հանրության երկխոսության գնալու կոչերը: ԵՄ-ն պետք է հստակորեն ցույց տա, որ մեր հարևանությամբ նման բացահայտ պատերազմական հարձակումները չեն կարող մնալ առանց գործնական հետևանքների»,- նշել է Կաիլին։
Լուսանկարը՝ Եվրախորհրդարանի պաշտոնական կայքէջի
Մեկնաբանել