Մաշտոցի պուրակի կրպակների ապամոնտաժման համար պայքարող ակտիվիստները տեղեկացնում են, որ Երեւանի հասարակայնության շրջանում ձեւավորվում է նախաձեռնություն, որը աջակցում է Մաշտոցի պուրակում բուտիկների ապամոնտաժման վերաբերյալ երիտասարդության պահանջին:

Հայտնի հասարակական գործիչները կոչ են անում իրենց վրա վերցնել անօրինական օբյեկտների ապամոնտաժման աշխատանքները, եթե երկու շաբաթվա ընթացքում իշխանությունները չկատարեն բնապահպանների պահանջները:

Այսօր տեղի է ունեցել այդ նախաձեռնության հավաքը, որտեղ քննարկվել է ապամոնտաժման բրիգադի կազմավորման եւ այլ նախապատրաստական աշխատանքների հարցը:

Քննարկմանը մասնակցել են հանրությանը հայտնի գիտական, հասարակական, տեղեկատվության եւ այլ ոլորտների գործիչներ: