Այսօր Արցախի նախագահ Արայիկ Հարությունյանը անվտանգության համակարգի պատասխանատուների մասնակցությամբ, հերթական հանդիպումն է ունեցել աշխարհազորի հետ: Այս մասին տեղեկացնում է ԱՀ նախագահն իր ֆեյսբուքյան էջում։

«Հայրենիքի պաշտպանների հետ զրույցը ծավալվել է ստեղծված իրավիճակի զարգացումների ու դրանց հակազդելու մեր անելիքների շուրջ:

Անցած մոտ մեկ ամսվա ընթացքում թշնամու մարտավարությունը գերազանց սերտած մեր տղաների արհեստավարժությունն ու գիտելիքները միայն ոգևորություն և վստահություն են ներշնչել: Նրանք քաջ գիտակցում են և՛ հայրենիքի պաշտպանության կարևորությունը, և ՛ դրա զոհողության գինը»,-ասված է հաղորդագրության մեջ։