Հոկտեմբերի 25-ի գիշերը հակառակորդը հրետակոծել է Մարտունու և Ասկերանի շրջանների գյուղերը
Հոկտեմբերի 24-ի լույս 25-ի գիշերվա ընթացքում Ադրբեջանի զինված ուժերը շարունակել են հրետակոծել հայկական բնակավայրերը: Այս մասին հաղորդում է Արցախի արտակարգ իրավիճակների պետական ծառայությունը (ԱԻՊԾ)։
Հրետանի է կիրառվել Մարտունու շրջանի Կարմիր Շուկա, Թաղավարդ, Գիշի, Սպիտակաշեն համայնքների ու Ասկերանի շրջանի Ավետարանոց գյուղի ուղղությամբ:
«Ընդ որում, թշնամական ուժերը նշանառության տակ են վերցրել ոչ միայն խաղաղ բնակավայրերը, այլև այդ համայնքների հարակից տարածքները՝ անտառներով ու գյուղատնտեսական նշանակության դաշտավայրերով:
Նշված բնակավայրերում ռազմական որևէ օբյեկտ չկա: Քաղաքացիական շրջանում կորուստներ և տուժածներ չունենք»,- ասվում էԱԻՊԾ հաղորդագրությունում:
Լուսանկարը՝ արխիվային / hetq.am
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել