Աֆղանստանում սպանվել է «Ալ Քաիդա»-ի առաջնորդներից մեկը
Աֆղանստանի ազգային անվտանգության ծառայությունը կիրակի՝ հոկտեմբերի 25-ին, հայտնել է «Ալ Քաիդա» ահաբեկչական խմբավորման առաջնորդներից մեկի՝ Աբու Մոհսեն ալ Մասրիի ոչնչացման մասին։ Այդ մասին գրում է Deutsche Welle-ն։
Breaking news : as a result of NDS special force unit operation in ghazni province an al-Qaida key member for Indian sub contanint, Abu Muhsen Almisry were killed pic.twitter.com/4fmWzA5T4e
— NDS Afghanistan (@NDSAfghanistan) October 24, 2020
Ծառայության տվյալներով՝ եգիպտացի ալ Մասրին, որը համարվում էր «Ալ Քաիդա»-ի երկրորդ մարդը պակիստանահնդկական հատվածում և Աֆղանստանում, ոչնչացվել է Աֆղանստանի կենտրոնական Գազնի պրովինցիայում։
Ահաբեկչական կազմակերպության անդամի ոչնչացման ուղղությամբ իրականացված գործողության վերաբերյալ այլ տվյալներ չեն փոխանցվել։
Ալ Մասրիի անունը ԱՄՆ կենտրոնական հետախուզական ծառայությունը ներառել էր աշխարհի ամենաորոնվող ահաբեկիչների ցանկում։ Նրա ձերբակալման հրամանն ԱՄՆ-ում արձակվել էր դեռ 2018 թվականի դեկտեմբերին այն բանից հետո, երբ Աբու Մոհսեն ալ Մասրիին մեղադրանք էր առաջադրվել արտասահմանյան ահաբեկչական կազմակերպության հետ կապ ունենալու և ԱՄՆ քաղաքացիների սպանության նախապատրաստման մեղադրանքներով։
Լուսանկարը՝ ԱՄՆ Հետաքննությունների դաշնային բյուրոյի
Մեկնաբանել