ԱԱԾ տնօրենի ժամանակավոր պաշտոնակատարը հանդիպել է սահմանապահ զորքերի ծառայողներին
Ազգային անվտանգության ծառայության (ԱԱԾ) տնօրենի պարտականությունների ժամանակավոր կատարող Միքայել Համբարձումյանն այցելել է ԱԱԾ սահմանապահ զորքեր և հանդիպում ունեցել սահմանապահների հետ: Այս մասին հաղորդում է ԱԱԾ մամուլի կենտրոնը։
«Միքայել Համբարձումյանը իր խոսքում անդրադարձել է թուրքաադրբեջանական դաշինքի կողմից սանձազերծված ռազմական գործողություններում սահմանապահների մասնակցության կարևորություններին և ընդգծել վերջիններիս կողմից ծառայողական պարտականություններն ամենայն կարգապահությամբ ու արդյունավետորեն իրականացնելու հրամայականը։
ՀՀ ԱԱԾ սահմանապահ զորքերի հրամանատար Վ. Սարգսյանը ներկայացրել է մինչ այս պահն իրականացված աշխատանքների հիմնական ուղղությունները, ինչպես նաև փոխանցել մարտական առաջադրանքները պատշաճ և համակողմանիորեն կատարելուն ուղղված՝ սահմանապահների պատրաստակամությունը:
Հանդիպման ավարտին Միքայել Համբարձումյանն անցկացրել է նաև աշխատանքային խորհրդակցություն, որին մասնակցել են ԱԱԾ տնօրենի տեղակալներ Ս. Մելքոնյանը, Ա. Հակոբյանը և պաշտոնատար այլ անձինք»,- ասվում է պաշտոնական հաղորդագրությունում:
Մեկնաբանել