Հակառակ նրա, որ ադրբեջանական կողմը պնդում է, թե խաղաղ բնակավայրերի ուղղությամբ կրակ չի բացում, հոկտեմբերի 25-ի երեկոյան հրետակոծվեց նաև Ասկերանի շրջանի Մադաթաշեն համայնքը։ Այս մասին հաղորդում է Արցախի արտակարգ իրավիճակների պետական ծառայությունը։

Վնասվել է 3 բնակելի տուն և տնտեսական նշանակության մեկ օբյեկտ։ Մարդկային կորուստներ չկան։

Հիշեցնենք, որ ավելի վաղ Ադրբեջանի զինված ուժերը հրետակոծել էին նաև Ասկերանի շրջանի Ավետարանոց, Սղնախ և Մոշխմհատ գյուղերը:

Լուսանկարը՝ արխիվային / hetq.am