Առավոտյան ժամը 8-ին Ստեփանակերտում հայտարարվել է օդային տագնապ: Արցախի Հանրապետության արտակարգ իրավիճակների ծառայության հաղորդմամբ՝ 08:03-ին լսվեց հրթիռի հերթական հարվածի ձայնը:

Մայրաքաղաքի ծայրամասային փողոցներից մեկում ադրբեջանական ուժերը կիրառել են «Սմերչ»  տիպի ռեակտիվ համակարգ: Ավերվել է մեկ բնակելի տուն, հարվածից ամբողջությամբ փլվել է հարակից շինությունը և վնասվել մեկ ավտոմեքենա:

Տանտերը և հարևանը վիրավորվել են և տեղափոխվել բուժհաստատություն:

Լուսանկարը՝ Արցախի արտակարգ իրավիճակների ծառայության ՖԲ էջից