Հայաստանի Արտաքին գործերի նախարար Զոհրաբ Մնացականյանն այսօր անդրադարձել է Ադրբեջանի կողմից արգելված ֆոսֆորային զինամթերք օգտագործելու փաստին՝ նշելով, որ դրանք օգտագործվել են Արցախում՝ անտառների վրա, բնակավայրերի մոտակայքում, որտեղ բազմաթիվ խաղաղ բնակիչներ են ապրում:

«Այն, ինչ անում է Ադրբեջանը, ստանձնած պարտավորությունների նկատմամբ լիակատար անհարգալից վերաբերմունք, շարունակվող ագրեսիա, խաղաղ բնակչության ոչնչացում և արգելված զենքի օգտագործում է»,-ասել է Զ. Մնացականյանը։