Տեսանյութեր
Լուսանկարներ
Ադրբեջանի զինված ուժերը 10 միավոր տեխնիկայով փորձել են առաջանալ Ավետարանոց-Սղնախ հատվածում
Գիշերվա ընթացքում մարտերը շարունակվել են հարավ-արևմտյան, հարավ-արևելյան և հյուսիսային ուղղություններում: Մարտական գործողություններին զուգահեռ հակառակորդը շարունակել է թիրախավորել խաղաղ բնակավայրերը, մասնավորապես հրթիռահրետանային հարվածներ հասցնելով Մարտունի, Շուշի քաղաքներին և Քարին տակ գյուղին: Նշված ուղղությունների վրա աշխատող հակառակորդի կրակային դիրքերին Պաշտպանության բանակի ստորաբաժանումների կողմից հասցվել են թիրախային հարվածներ: Այս մասին ասվում է Արցախի պաշտպանության նախարարության տարածած հաղորդագրությունում։
Ադրբեջանի զինված ուժերը շուրջ 10 միավոր տեխնիկայի (ավտոմեքենաներ) միջոցով առաջանալու փորձ են ձեռնարկել Ավետարանոց-Սղնախ հատվածում, սակայն, խոցվելով բանակային ուժերի կողմից և կրելով մեծաթիվ կորուստներ, հետ են շպրտվել:
«Առավոտյան թշնամական ուժերը վերսկսել են հարձակողական գործողությունները՝ միաժամանակ շարունակելով հրթիռակոծել խաղաղ բնակավայրերը: ՊԲ-ն լիակատար վերահսկողություն է պահպանում ճակատային գծի ամբողջ երկայնքով՝ վերահսկելով թշնամու բոլոր շարժերն ու ըստ անհրաժեշտության վերջինիս հասցնելով նպատակային հարվածներ»,- հայտնում էԱրցախի պաշտպանական գերատեսչությունը:
Լուսանկարը՝ արխիվային / «Հետք»
Մեկնաբանել