![](/static/articles/12/39/25/l-VlAhf09vyA.jpg)
Փարիզում բերման է ենթարկվել փողոցում մաչետեով քայլող տղամարդ
Ֆրանսիայի ոստիկանությունը Փարիզի Պեր-Լաշեզ կենտրոնական շրջանում բերման է ենթարկել մաչետեով (երկար՝ 50սմ-ից ավելի, բարակ եւ լայն դանակ) մի տղամարդու։ Այդ մասին գրում է «Reuters» պարբերականը՝ հղում անելով ֆրանսիական ոստիկանության ներկայացուցչին։
Տղամարդը, որի ինքնությունը չի բացահայտվում, բերման է ենթարկվել հյուրանոցի իր համարում։ Ոստիկանության ներկայացուցիչն ընդգծել է, որ դեռևս անհայտ է, թե արդյոք որևէ անձ տուժել է բերման ենթարկվածի գործողություններից։
Փարիզի «Actu Paris» պարբերականը, հղում կատարելով իր աղբյուրներին, հայտնել էր, որ առավոտյան 11:30-ի սահմաններում մի քանի մարդ մետրոյի «Պեր-Լաշեզ» կայարանի մոտ տեսել են մաչետեով տղամարդու։
Ոստիկանությունը գործողությունն իրականացրել է Շմեն-Վեղ փողոցում, կայարանից մի քանի տասնյակ մետր հեռավորության վրա։ Բերման ենթարկելիս փողոցը փակվել է, իսկ խանութների աշխատանքը՝ առժամանակ դադարեցվել։ 12:30-ին փողոցի երթևեկությունը վերականգնվել է։
#France
— loran outan ?? (@loran076) November 3, 2020
⚡️⚡️..Le Quartier du #pereLachaise est entièrement bouclé par les #FDO suite au signalement d’un individu portant une machette..?#paris #DarmaninDemission #Faitsdivers #confinement #justice #TousContreMacronJour36 #Police
pic.twitter.com/nJ1ZPIeROY
Ֆրանսիայի մի քանի քաղաքներում տեղի ունեցած հարձակումներից հետո տեղական իշխանություններն ուժեղացրել են անվտանգության միջոցառումները։ Մաչետեով տղամարդը ձերբակալվել է նախօրեին Ավստրիայում տեղի ունեցած ահաբեկչությունից մեկ օր անց։
Հիշեցնենք, որ նոյեմբերի 2-ին մեկ կամ մի քանի ահաբեկիչներ կրակ էին բացել Վիեննայի կենտրոնում՝ սպանելով հինգ և վիրավորելով 22 մարդու։ Հարձակման ժամանակ ոստիկանությունը սպանել է 20-ամյա ահաբեկչին, որը եղել է Ավստրիայի և Հյուսիսային Մակեդոնիայի քաղաքացի։ Վերջինս նախկինում դատապարտվել էր ահաբեկչական կազմակերպության գործունեությանը մասնակցելու համար։
Լուսանկարը՝ «Reuters» գործակալության
Մեկնաբանել