![](/static/articles/12/39/83/l-Dx6bpRAoOT.jpg)
Ջո Բայդենը հաղթել է Միչիգանում. Թրամփը չի ընդունում հաղթանակը
ԱՄՆ Դեմոկրատական կուսակցության թեկնածու Ջո Բայդենը հաղթել է «տատանվող» նահանգներից մեկում՝ Միչիգանում։ Այդ մասին գրում է «Associated Press» գործակալությունը։
NBC News և CNN հեռուստաընկերությունների գնահատմամբ՝ քվեաթերթիկների 99 %-ի հաշվարկից հետո Ջո Բայդենը ստացել է ձայների 50,4 %-ը, իսկ նրա մրցակիցը՝ Հանրապետական կուսակցության թեկնածու, գործող նախագահ Դոնալդ Թրամփը՝ ուղիղ 48 %-ը։ Ըստ Fox News-ի էլ՝ Բայդենը հավաքել է ձայների 50,5 %-ը, իսկ Թրամփը՝ 48 %-ը։
Միչիգանում հաղթանակից հետո Ջո Բայդենը ստացել է ընտրիչների ևս 16 ձայն։ NBC-ի և CNN-ի տվյալներով՝ նոյեմբերի 5-ին, ժամը 13:30-ի դրությամբ Բայդենը հավաքել է ընտրիչների 253 ձայն, իսկ Fox News-ի տվյալներով՝ 264 ձայն։ Վերջինը, ի տարբերություն մյուս հեռուստաընկերությունների, Արիզոնայում հաղթանակը վերագրում է Բայդենին։ Ըստ Fox News-ի՝ Թրամփը ստացել է ընտրիչների 214 ձայն։
Դոնալդ Թրամփը «Twitter»-ի իր միկրոբլոգում գրել է, որ ինքն է հաղթել Միչիգանում և «տատանվող» մյուս երեք նահանգներում՝ Փենսիլվանիայում (ընտրիչների 20 ձայն), Հյուսիսային Կարոլինայում (15 ձայն) և Ջորջիայում (16 ձայն)։ Վերջին երեք նահանգներում դեռևս չի ավարտվել քվեաթերթիկների հաշվարկը։
We have claimed, for Electoral Vote purposes, the Commonwealth of Pennsylvania (which won’t allow legal observers) the State of Georgia, and the State of North Carolina, each one of which has a BIG Trump lead. Additionally, we hereby claim the State of Michigan if, in fact,.....
— Donald J. Trump (@realDonaldTrump) November 4, 2020
Associated Press գործակալությունը նշում է, որ Ջո Բայդենին վերջնական հաղթանակի համար անհրաժեշտ է նահանգներից մեկի աջակցությունը, օրինակ՝ Նևադայի, որտեղ նա կստանա 6 ընտրիչների ձայները։ Ավելի վաղ Ջո Բայդենը հաղթել էր «տատանվող» նահանգներից մեկում՝ Վիսկոնսինում, որտեղ ստացել է ընտրիչների 10 ձայն։ Դոնալդ Թրամփը պահանջել է այդ նահանգում ձայների վերահաշվարկ կատարել։ Թրամփի նախընտրական շտաբը դատական հայցեր է ներկայացրել Փենսիլվանիայում, Միչիգանում և Ջորջիայում ձայների հաշվարկը դադարեցնելու համար։
Լուսանկարը՝ Kevin Lemarque/Reuters
Մեկնաբանել